شاهد عيان
قصة للعبرة من أحد المجموعات السرية التي أنتمي إليها
مصيبة !!
...
جن جنان الأمن، وبلش بحملة مداهمات للمنطقة من بكير، ليلاحق الناشطين فيها .. وللأسف بيت أسعد كان براس القائمة، واعتقلوه ..
سمير رفيقو اللزم بالثورة، وناشط معو بالمنطقة، كان نايم ببيته وفاق على هالخبر الحزين، وما يلاقي غير شب ورا التاني عم يروحوا، وقعد ورا اللابتوب ليضل على تواصل مع الكل ويعرفوا شو عم يصير ..
بعد ساعة، بكون الأمن صار ببيت سمير، وبيعتقله، والمصيبة أنو كان سمير فاتح كل حساباتو الثورية على جهازه.. وقدر الأمن يفوت عليها، ياخد منها معلومات، يثبت عليه تهم، ويلاحق الباقيين ...
وللأسف وقتها مافي حل ..!
أما الحل !!
وقت يصير مداهمة لمنطقة، اطلع من بيتك، واطلع من المنطقة كلها، طالما الأمن لساتو فيها .. ولما تحس بأي خطر ممكن يصير عليك بسبب اعتقال رفقاتك، كف مغيب، وخود احتياطاتك، وهدي شغلك شوي .. ودير بالك ما تخلي حساباتك الثورية مفتوحة على جهازك، جهز حالك تقنياً لهيك موقف، واستخدم دائما تصفح مخفي بمجرد ما تسكره تمحي كل الأدلة عليك ..
لا تقول ما حيصير شي، اعقلها وتوكل، والله بيحميك
