من صفحة الأستاذ عمرو عبد الهادي Said Moataz · #الرويعي #العتبة شغلي ف تالت برج ف الشارع الرئيسي ف وش الجراج متعدد الطوابق ف العتبة بعد شارع الرويعي كلام الناس هنا إن تم ضرب الإتنين بتوع الأمن ف فندق الأندلس ومنهم واحد خد ضربة ع دماغه إتسببت ف فقدانه البصر. وتم رش بودرة وهي بداية الحريق،البودرة دي بودرة الماغنسيوم سريعة الإشتعال عامة يعني مش أي حد عارفها،الفندق ومباني تانية إشتعلت بنفس الطريقة. الملاحظ هنا بقي: كل المباني الي ولعت مباني قديمة تبع الأوقاف كلها ومساحتها كبيرة وإيجار قديم يعني إيجارات خمسين جنية و100جنية بالكتير. وكلها مخازن ملابس وبضاعة، غير الباكيات والإستوكات الي ف الشارع. خساير ف الأرواح وإصابات كتير وخراب بيوت. المنطقة دي فيه مستثمرين هيموتوا وياخدوها ومش لاقيين حل مع الايجارات القديمة دي. مبني صيدناوي إتباع لمستثمر هيتهد ويطلع مكانه برج سكني غير المولات التجارية. الناس كلها بتقول فعل فاعل وشهاداتهم كلها كده وإنها إبتدت بالفندق والبودرة الي اترشت بعد ضرب الغفرا. فيه مبني ورا شركتنا ولع ادامنا فجأة بالمناسبة إمبارح الساعة تسعة ونص بالظبط والكل مشغول ف شارع الرويعي والحريق إبتدي بالسطح ادام عينينا خيط دخان بسيط فجأة بقي نار ودخان لرب السما. فياريت محدش يقول ماس كهربائي أو الحريق إمتد للمباني المجاورة، المباني الي ولعت مش عشوائي ومش ملاصقة لبعض. دي تم إختيارها ومعروف إن جواها مخازن وبضاعة بملايين مش المحلات التعبانة،وكلها مباني تبع الأوقاف المستثمرين هيموتوا ويشتروها. الباكيات والإستوكات الخشب بتاعة الفقرا الي بيبيعوا حاجات بتلاتين وخمسين جنية أرزقية ع باب الله كلهم وغلابة #موت_وخراب_ديار ومترتب كل ده.
فيديو.. صاحب محل بـ"العتبة" يفجر مفاجأة حول أسباب الحريق 09/05/2016 10:59 م كتب: عبد الله سلامة كشف شريف محمد، أحد أصحاب المحال المتضررة في منطقة الرويعي بالعتبة، عن مفاجأة تمثلت في رؤية شهود عيان من أهالي المنطقة عدة أشخاص قاموا بإشعال النيران في فندق الأندلس ثم لاذوا بالفرار. وقال شريف، خلال مداخلة هاتفية مع برنامج "90 دقيقة" على فضائية "المحور"، مساء اليوم الإثنين: "إن عددا من الأشخاص دخلوا فندق الأندلس واعتدوا على أفراد الأمن، ورموا بودرة سريعة الاشتعال، وولعوا فيها وجريوا"، مشيرا إلى محاولة بعض الأشخاص في بداية الأمر إطفاء الحريق، إلا أن النيران كانت تتزايد. وأضاف أن النيران ما زالت حتى الآن تلتهم المحال التجارية والمباني السكنية والمخازن، قائلا: "ما يحدث لنا موت وخراب ديار ومحدش معبرنا".
محسوب: السيسى منح أثيوبيا سندًا قانونيًا لم تحلم به
رأى محمد محسوب، وزير الدولة لشؤون المجالس النيابية الأسبق، أن استئناف مفاوضات سد النهضة، لن يفيد في حل الأزمة في الوقت الحالي. وقال محسوب في تدوينة عبر صفحته الشخصية على موقع التواصل الاجتماعي “فيس بوك”: “التحكيم في سد النهضة كان يمكن قبل الاتفاق فقد منح أثيوبيا سندًا قانونيًا لم تحلم به، الحل الوحيد عدم الإقرار بشرعية من أبرمه كصنافير وتيران”.
·
