شبت نار ياستار 
والعالم صارت طشار
غدارة ومن قبل النجمة
ياداعش تردين الثار
********
قبلچ هسينا الداعمكم
طشرناكم خل يلمكم
اليوم السباع تعلمكم
توصلون الدرس لبشار
******
يافرات العز احنا سباعچ
وماهمنا الخانچ والباعچ
قلتي لداعش ولل ماطاعچ
سويناه عاجل بأخبار
******
ها خوتي هاااااا
خلينا المايسمع يسمع
شدينا الهاون والمدفع
اليوم المايركع يركع
ومن تنخانا السمرة سباع
سمران وحقنا ماضاع

هذا كرت اصفر وانذار
للخونة وداعش  بشار
كل غراب ٍ يقرب  يمنا
نحرق ريشه وجلده بنار
……………………………………
يابوم    ولمّة     غربان
قايدكم  بالدم غرقان
شجابك بيد صقور الزور
التقطع راسك والمنقار
……………………………………
ذول احنا  سباع الما  خنّا
روح اسأل أسيادك   عنّا
وكل صولة  بيها تسجّلنا
بحروف من النور كباااار
……………………………………
اليوم اعطيناكم كرت اصفر
وبإذن  الله  تشوفون  اكثر
نطردكم   بالكرت  الاحمر
ومن القصر    انجر  بشار