رسالة من مؤيد للعلويين :
" فيقو.. نحن دروع بشرية لعائلة واحدة "
" انت من صلنفة.. عيني روحك "
المؤيدة بشدة والتشبيحية بامتياز .. وجهها أحد المؤيدين العلويين لكل الطائفة وللمؤيدين ، بعد أن أصيب هؤلاء بخيبة أمل وصدمة كبيرة بتحرير الراهبات ، وترك بقية أسرى النظام لدى الجيش الحر أو جبهة النصرة، والتخلي عنهم..

ويبدو واضحاً من الرسالة أن كثير من المؤيدين يشعرون بالندم الشديد، ويعتبرون أنهم ليسوا أكثر من دروع بشرية لعائلة الأسد..

سننشر الرسالة كما هي،
وإن كان من أي تصرف فهو التحفظ وحذف بعض الكلمات النابية..
رسالة من Ahmad War إلى مؤيدي الأسد :

"ادمن نوار بدي قول كم كلمي بصفحتكن الكريمي .. بس بتمنى ما تحذف كلامي ﻷنو بقلبي وجع كبير علينا وعليكن ك بشر عم يموتو متل الجراد ...
هلق اذا حكينا بيقولو مندس وعرعوري وآ بعرف شو .. اوﻵ : انا من صافيتا وعلوي ويا سيدي معارض كيفك فيا ..
رح تقلي ليش معارض .؟ رح قلك ليش ...
اوﻵ : ﻷنو نحنا دروع بشريي لعيلة وحدي ( واحدة ) .. بأي قاموس بدنيا بتموت طائفي كاملي منشان عيلة ؟
حاج بقا انت وهو تقولو راهبات وما بعرف شو .. الحق علينا نحنا ﻷنو ( لأننا ) ما عرفنا نوقف بلاتجاه الصحيح بهل ازمة ( بهذه الأزمة )  ..
وين المشكلي لو وقفنا مع مطالب باقي الطوائف بالحرية والديمقراطية ولا ابيصير نوقف ( أم أنه لا يصير نقف ) مع غير طائفي ؟؟
خلص بقا فيقو فيقو ﻷيمت ( إلى متى ؟) بدنا نكون عبيد عند بشار وروسيا وقطر واميركا وايران ولك نحنا الشعب السوري لعبي وعم يلعبو فيها هل دول الخايني ..
رح تقلي خطفو وقطعو روسنا رح قلكين ( أقول لكم ) يا حبيباتي هل مقاطع المسربي لتعذيب المعتقلين بتخلي الميت يقوم من قبرو ويصير متطرف ..
لسَّا ع كل خري بينزل فيديو مسرب لقتل وتعذيب بلهجتنا الساحلية حتى يزيد الاحتقان علينا وتشوفو قتل وقطع روس ..
وانتو اكبر دليل بدكن نقطع وندعس ونقاتل وابتعرفو انو مهما صار نحنا اقلية واذا تركنا بشار رح نروح بين الرجلين ..

ولك انو انا ما عم تدخل بعقلي كيف نحنا 3 سنين عم نقبل شبابنا تدافع عن هل عيلة ( هذه العائلة ) يلي قائدها قاعد بقصر هو وعيلتو و(هلال) الأسد  عم يسرقنا بدفاعو الوطني وابنو عم يشبح بسيارتو بلادقية وشو بدي عدّ تعد هني ( هم ) عم يعرصو ونحنا شبابنا عم تجي بلشوالات مقتلة من الداخل وغير المناطق يلي محاصرة بلفرقة 17 وميتي من الجوع ومطنشها القائد المتخبي بقصرو ..
لكل فعل ردة فعل والفديوهات يلي ( التي ) كان يسربها القائد المتخبي كانت حتى باقي الطوائف تكرهنا ونحنا نوقف معو ( معه )  ..

ومتل منكين شايفين ( كما ترون ) سيارات الاسعاف عم تجيب عشرات من شباب طائفتي يلي عم ينقتلو كرمال هل عيلة ( هذه العائلة ) يلي ضيعت احلامنا ومستقبلنا مع باقي الطوائف ..
تخيلو بس دقيقة لو بشار ترك السلطة اول الانتفاضة قديش كنا ارتحنا هلق ويا سيدي بتحداكين ( أتحداكم ) ما كان حدا دايقنا ( ضايقنا ) ولا دمرنا بلدنا ولا اي شي ..
بس للاسف نحنا اغبياء وفكرنا انو حامينا وطلعنا نحنا عبيد عندو عم يستغل اندفاعنا حتى يحقق طموحاتو بلبقاء وبعتقد افي ( ما في ) رئيس بدو يبقى بلحكم بيسلم اقوى سلاح عندو للعدو .. وكم مرة قصفتنا اسرائيل ؟

بيقلولك افي طائفية وحزب الله بيحمل رايات طائفية بس شو فارقة مع ربو ( ربه ) وهوي بلبنان ونحنا يلي هون علقانين على حد السكين !
ولك طلع الايرانين واسرانا بلمئات بدرعا .. ولك طلع اللبنانين وأسرانا بلمئات بحلب .. ولك طلع الراهبات وأسرانا بلمئات بلريف الشمالي .. !

وبيقلك ( ويقول لك ) حامي اقليات وحامينا ولك ..... امنا ونحنا متل البغال عم نقلو ( نقول له ) منحبك !!
وك عشو بدي حبك .؟؟ على البراميل يلي دمرت فيها اعرق بلد .؟ ولَّا على تهجير السكان .؟ ولّا حصارنا .؟ ولّا اسرانا .؟ ولا على 60% من شباب الطائفة يلي نقتلو ( انقتلوا ) .؟ ولسَّا عم نتطوع متل الكرار ( يعني مثل الحمير)  ..
بحضي ( أحلف بحظي ) اذا بتبقى الحالة سنة لسَّا ، لحتى ما يبقى عنا ولا شب ..

ولسّا ابتعرفو شو يعني حرب استنزاف ..
"حزب الله " ابقا بيقدر يساعدنا اكتر ، ورح يرجع .. وبس رجع رح يلعنو سلافنا اذا توحدو علينا المسلحين ..
تذكروا نحنا عم نقاتل ملايين فهمو بقا فهمو ..
نحنا لعبي بأيدهم ..
اذا ما اضربنا عن كل شي ، حقوقنا مارح ناخدها ..
بتَّمنى .. تفيقو وتقولو ﻷ ابقا بدنا نموت كرمال حضرت جنابك ..
ادمن اذا هنت ( أنت ) بتفهم بحرية الرأي بتترك كلامي هون ..
اعتبروها الصرخة الاخيرة وإلا رح نواجه مصير كارثي ..
تحياتي للناس يلي بيهمها بقاء الطائفي بشبابها .. مو بس نساء وأطفال .. والسلام ".