ماذا فعلت جبهة النصرة في العالم والنصيرية
لقد فعلت ما لم تقم به قنوات العالم مجتمعة لقد تغيرت الصورة كثيرا عن المجاهدين
وبدأ النصيريين الصحيان من سباتهم
=================================
دمشق
رسالة من مؤيد للعلويين: "فيقو.. نحن دروع بشرية لعائلة واحدة"
التقطت أورينت نت رسالة من صفحة "انت من صلنفة.. عيني روحك" المؤيدة بشدة والتشبيحية بامتياز، وجهها أحد المؤيدين العلويين لكل الطائفة وللمؤيدين، بعد أن أصيب هؤلاء بخيبة أمل وصدمة كبيرة بتحرير الراهبات، وترك بقية أسرى النظام لدى الجيش الحر أو جبهة النصرة، والتخلي عنهم..
ويبدو واضحاً من الرسالة أن كثير من المؤيدين يشعرون بالندم الشديد، ويعتبرون أنهم ليسوا أكثر من دروع بشرية لعائلة الأسد..
سننشر الرسالة كما هي، وإن كان من أي تصرف فهو التحفظ وحذف بعض الكلمات النابية..
رسالة من Ahmad War إلى مؤيدي الأسد:
"ادمن نوار بدي قول كم كلمي بصفحتكن الكريمي .. بس بتمنى ما تحذف كلامي ﻷنو بقلبي وجع كبير علينا وعليكن ك بشر عم يموتو متل الجراد ...
هلق اذا حكينا بيقولو مندس وعروري وابعرف شو .. اوﻵ انا من صافيتا وعلوي وياسيدي معارض كيفك فيا ..
رح تقلي ليش معارض رح قلك ليش ... اوﻵ ﻷنو نحنا دروع بشريي لعيلة وحدي بأي قاموس بدنيا بتموت طائفي كاملي منشان عيلة ؟
حاج بقا انت وهو تقولو راهبات ومابعرف شو .. الحق علينا نحنا ﻷنو ماعرفنا نوقف بﻷتجاه الصحيح بهل ازمة ..
وين المشكلي لو وقفنا مع مطالب باقي الطوائف بالحرية والديمقراطية ولا ابيصير نوقف مع غير طائفي ؟؟
خلص بقا فيقو فيقو ﻷيمت بدنا نكون عبيد عند بشار وروسيا وقطر واميركا وايران ولك نحنا الشعب السوري لعبي وعم يلعبو فيها هل دول الخايني ..
رح تقلي خطفو وقطعو روسنا رح قلكين يا حبيباتي هل مقاطع المسربي لتعذيب المعتقلين بتخلي الميت يقوم من قبرو ويصير متطرف ..
لسا ع كل خري بينزل فيديو مسرب لقتل وتعذيب بلهجتنا الساحلية حتى يزيد الاحتقان علينا وتشوفو قتل وقطع روس ..
وانتو اكبر دليل بدكن نقطع وندعس ونقاتل وابتعرفو انو مهما صار نحنا اقلية واذا تركنا بشار رح نروح بين الرجلين ..
وك انو انا ما عم تدخل بعقلي كيف نحنا 3 سنين عم نقبل شبابنا تدافع عن هل عيلة يلي قائدها قاعد بقصر هو وعيلتو وهلال عم يسرقنا بدفاعو الوطني وابنو عم يشبح بسيارتو بلادقية وشو بدي عد تعد هني عم يعرصو ونحنا شبابنا عم تجي بلشوالات مقتلة من الداخل وغير المناطق يلي محاصرة بلفرقة 17 وميتي من الجوع ومطنشها القائد المتخبي بقصرو ..
لكل فعل ردة فعل والفديوهات يلي كان يسربها القائد المتخبي كانت حتى باقي الطوائف تكرهنا ونحنا نوقف معو ..
ومتل منكين شايفين سيارات الاسعاف عم تجيب عشرات من شباب طائفتي يلي عم ينقتلو كرمال هل عيلة يلي ضيعت احلامنا ومستقبلنا مع باقي الطوائف ..
تخيلو بس دقيقة لو بشار ترك السلطة اول الانتفاضة قديش كنا ارتحنا هلق ويا سيدي بتحداكين ما كان حدا دايقنا ولا دمرنا بلدنا ولا اي شي ..
بس للاسف نحنا اغبياء وفكرنا انو حامينا وطلعنا نحنا عبيد عندو عم يستغل اندفاعنا حتى يحقق طموحاتو بلبقاء وبعتقد افي رئيس بدو يبقى بلحكم بيسلم اقوى سلاح عندو للعدو
وكم مرة قصفتنا اسرائيل ؟
بيقلولك افي طائفية وحزب الله بيحمل رايات طائفية بس شو فارقة مع ربو وهوي بلبنان ونحنا يلي هون علقانين على حد السكين !
ولك طلع الايرانين واسرانا بلمئات بدرعا ولك طلع اللبنانين واسرانا بلمئات بحلب ولك طلع الراهبات واسرانا بلمئات بلريف الشمالي .. !
وبيقلك حامي اقليات وحامينا ولك ..... امنا ونحنا متل البغال عم نقلو منحبك !!
وك عشو بدي حبك على البراميل يلي دمرت فيها اعرق بلد ولا على تهجير السكان ولا حصارنا ولا اسرانا ولا على 60% من شباب الطائفة يلي نقتلو ولسا عم نتطوع متل الكرار ..
بحضي اذا بتبقى الحالة سنة لسا لحتى ما يبقى عنا ولا شب ..
ولسا ابتعرفو شو يعني حرب استنزاف ..
حزب الله ابقا بيقدر يساعدنا اكتر ورح يرجع وبس رجع رح يلعنو سلافنا اذا توحدو علينا المسلحين ..
تذكروا نحنا عم نقاتل ملايين فهمو بقا فهمو ..
نحنا لعبي بأيدهم ..
اذا ما اضربنا عن كل شي حقوقنا مارح ناخدها ..
بتمنى تفيقو وتقولو ﻷ ابقا بدنا نموت كرمال حضرت جنابك ..
ادمن اذا هنت بتفهم بحرية الرأي بتترك كلامي هون ..
اعتبروها الصرخة الاخيرة وإلا رح نواجه مصير كارثي ..
تحياتي للناس يلي بيهمها بقاء الطائفي بشبابها ..موبس نساءوأطفال ..والسلام
