اخت الشهيد البطل طارق (آية الأسود):
--------------------------------
حبيبي طارق :
ما بعرف شو بدي قول لانو شو ما حكيت ما بقدر عبر على لجواتي.....
تركت فراغ كبير كتير بحياتي....ما فيي قول غير الحمدالله...و الي بدك يا و الي بتحلم في صار
حلمك من زمان الشهادة و هي تحقق .
رفعت راسنا كلنا و بفتخر انو قول انا اخت الشهيد و ما حيلا شهيد.
... عم ادعيلك بكل صلاة و نشالله بتتشفعلنا بالاخرة و الله بيجمعنا فيك
لهلأ ما عم سدأ... بس الحمد الله .....الله يصبرني ع فراقك
صورتك ما عم تفارق خيالي و ما عم اقدر انسى صوتك و انتي عم تغني,و لما بتذكر كيف بستك و ودعتك بحس
كأنو هلأ عم بوسك....تقبر قلبي
بس حبيبي لا تهتم و الله دمك و دم أنس و دم كل الشهداء ما بروح هدر...لا والله
حبيبي انا ما رح انساك انتي عطول معي
الله يرحمك و يجعل مثواك الجنة
من يوم ما رحت و انا بفتح خزانتك و بشم تيابك و ريحتك و بجامتك الحمرا الخطيرة يلي صرلا قرن عندك ههه
لهلأ عم اسمع صوت الجرس و انتي عم تدئ و تقول انا طاطا فتحوليييييييييييي....تقبر قلبي
و ما بروح عن بالي لما بابا يعصب و يعيط و انتي تغنيلو و تعزفلو و تقلو اي روووووووووووق يا تؤبرني
و باللبناني كمان ....يا قلبي عليك يا اخي ,لو ضليت عم احكي للصبح ما رح اقدر احكي ذكرياتنا سوا و اديش
شتأتلك.....و اهم شي دبدوبك الاحمر الكبير يا حرام لعنت اختو من كتر ما تنيمو جنبك و تضمو و هلأ صار دوري
انا يلي بدي ضمو و بشهادتك ما رح فرط في ابداااا.
يا ريتك ودعتني قبل ما تروح صح شفنا بعض بس ما شبعت منك و لا بعمري رح اشبع منك.
وبيوم الجمعة الصبح وقت دقلك أنس و قلا لماما (قولي لطارق اذا ما بدق الباب علي ما رح روح ع الصلاة )
و ماما تضحك و بعدا طلعت يا طروقتي بالمنشفي من الحمام و بلشت مسباااااااااااات ب انس هههههههه و نضحك
وبعدا رحتو سوا ع الجامع......و ما رجعتوا.
و الله متل ما كانو يقولولك طارق حبيب الملايين.
ما طالع بأيدي غير انو اعمل متل ما قلت بوصيتك و اقرئلك كل يوم سورة الرحمن
و يا طارق نام و رتاح و الله لنكمل كفاح يا حبيبي...
((شهداء الثورة السورية في حمص))
