اليوم صباحا وفي شوارع حلب تم توزيع منشورات صغيره 21/6 سم شوهدت متناثرة على الأرض مطبوعة
على الوجهين وقد كتب فيها : العنوان - استيقظ -
ياحلبي مبسوط بالنكت يلي عم تطلع عليك وتصغر من قيمتك , ياحلبي مبسوط بمقولة انو حلب قلعة
الوفاء لنظام الفساد , ياحلبي ياتاجر مبسوط انو تجار المحافظات قاطعوك , ياحلبي مبسوط من شوفة
المجرمين جنب بيتك وبحارتك ليحمو نظام الفساد كل ما اجا شريف يقول كلمة حق , منعرف شو أصلك
ياحلبي , منعرف حبك للوطن ياحلبي , منعرف النخوه عندك ياحلبي , كل ساعه بتسكت فيابدو يموت
اخوك بمحافظة ما ... بدو يعتقل اخوك ابن حلب حلب وينهان ... بدو يتقلع اخوك من شغلو لانو بس ضد
الفساد , التاريخ مارح يسجل الا خوفك وتمسيحك للجوخ ان استمر ... النظام رح يسقط عاجلا ام اجلا خلي
تكون سمعتك بسوريا كويسة , خلي يقولو الشعب الحلبي بيضة القبان اسقط الفساد , الجمعة الجاية
حاول تكون اكبر من خوفك واكيد بتقدر . 17\6\2011 لازم يكون يوم حلب ... طلاع بعد صلاة الجمعة من كل
الجوامع ... اجتمعو بكل مكان ... ساحة سعد الله ... ساحة الجامعة ... نادوا باسقاط النظام , النظام يلي
حاكمنا من سنين وسرق اموالنا واموال اهلنا من قبلنا ... حاجتن ... طفح الكيل

يا الله رسخ العزيمة في نفوس أهل حلب الشهباء للقيام ضد نظام الأسد المجرم
يالله

ياخي الحلبية وليس كل الحلبية اغلبهم تجار وكل تاجر يتعامل معاحد من المخابرات الكبار امثال شاليش ما شابه
ذالك واليوم تطلب منهم النخوة النخوه حاطينها في البنوك مع مخلوف وجماعتو كيف تريد منهم ان يخاطرو بفلوسهم اذا صارت ثوره يخافون تظيع الفلوس وهائولاء عقولهم فلوس بزنز النخوة ذهبت ادراج الرياح

انشالله تنفع